$$hisham abd elaziz$$
منتديات friends2gether وصاحبها $$shemo$$ ترحب بكل أعضاء وزوار المنتدى وتتمنى لكم قضاء وقت ممتع معنا وانتظروا كل ما هو جديد

$$hisham abd elaziz$$

ترفيهي وتعليمي
 
الرئيسيةالبوابةدخولالتسجيل

شاطر | 
 

 أنا عايز عروسة يا طنط

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
$$ بسملة $$
عسكري
avatar

انثى
عدد الرسائل : 138
الجنسية : مصري
السٌّمعَة : 4
تاريخ التسجيل : 03/03/2009

مُساهمةموضوع: أنا عايز عروسة يا طنط   الأحد 29 مارس 2009, 1:15 am

عروسة لبدر

حدث ذات يوم

اتصل بى بدر جارنا الشاب اللطيف وقال :

- ماما قالت لى إن عند حضرتك عرايس كتير .. وأنا تعبت من الاختيار وحدي

- ازاى ؟؟ مفيش معاك في الشغل مثلاً ... في محيط الأقارب أي واحدة لفتت نظرك


- طبعاً فيه ... لكن كل مرة فيه حاجة غلط
- زي إيه ؟؟

- يعني مرة تكون مرتبطة عاطفياً ... ومرة تطلع متحررة بالنسبة لي .. ومرة طلباتهم كتير ... ومرة أنا معجبهاش .. وهكذا لما زهقت

- أنت عندك 30 سنة يا بدر .. مش كده
- 32- ياتانت
- معاك حق ... يادوب ..طيب اتركنى كام يوم كده أفكر فيمن حولي وأحاول أن أقترح عليك
- شكراً جداً .... مش حنسى جميلك ده أبدا
بدر مهندس شاب ... والده وكيل وزارة من زمن كان لوكيل الوزارة وجاهة اجتماعية ولكن بلا مدد مالي .. ووالدته لم تعمل مطلقاً وبالتالي فمجتمعها ضيق إلى حد كبير ... وهم أسرة مصرية صميمة ... بكل بساطة الطبقة المصرية المتوسطة.
الشاب طموح جداً ومستقبله يبشر بالخير ولكن يبقى نقطة سلبية أن إمكانياته المادية بسيطة .... وإذا وضعنا في الاعتبار أنه ليس شاباً صغيراً .. أي في طريقه لبناء مستقبله تصبح قلة موارده المالية عيباً من الصعب التجاوز عنه .
كان لا بد من وضع بعض البدائل للتعامل معها ... فاتصلت به
- لم تخبرني عن شروطك الرئيسية يابدر
- ولا حاجة
- ممممممم !!!! مفيش حاجة اسمها ولا حاجة ... هناك خطوط عريضة لديك بالتأكيد تحكمك في الاختيار
- يعني تكون بنت ناس
- ودى أولوية ؟؟؟
- اه فهمت قصدك .... طبعاً لازم تكون من مستوى اجتماعي عالي .... ده مهم جداً بالنسبة لي ... وعلى خلق ... وأفضل ان يكون هناك فارق سني حوالي 5 او 6 سنين على الأقل
- طيب ... نلخص الشروط الرئيسية ... فتاة من مستوى أسري مرتفع عمرها 26 او 27 سنة
- مضبوط
- طيب والشكل ؟؟؟
- عادي جدا .. تكون لطيفة يعني ..... مقبولة
- جميل والله يابدر ده إنت طلعت عاقل جداً
ظللت أقلب البدائل في رأسي وأعرضهم على من أعرف من الفتيات بنات الأسر التي أعرفها .... ووقع انتقائي على 5 فتيات يحملن هذه المواصفات مع بعض التباين.
وقبل أن أطلب منه أن يتعرف إلى أي فتاة .. قررت أن أعرض المشروع عليهن وعلى أهلهن من حيث المبدأ .. وجائتنى الردود التالية :
* 32 سنة ده كبير علي قوي !!!!!! أنا عمري 26 سنة بس ..
* يعني ايه شقته صغيرة وفى 6 أكتوبر ... لا ... لا .... لا . يدور على واحدة من مستواه
* ايه ده مش مشترك في نادي ؟؟ ده مش سبور بقى .... ونظام نادى ايه ... وكلام من ده !!! انس خالص
* وهو من عيلة مين بقى ياترى ؟؟؟
* لو يقدر يجيب خاتم سوليتير .. مش أقل من قيراط ويعمل الفرح في فندق خمس نجوم .. معندناش مانع
بالطبع وجدت إن كل هذا الكلام غير منطقي أو مقبول .. وكيف اتفقت خمس بنات على هذه التفاهة في التعامل مع الزواج ؟؟؟؟ أو ربما لا نقول تفاهة نقول نظرة قاصرة !! وجدت أننى اخترت خمس فتيات على مستوى عالي من الجمال والدلال ... فقررت أن أنزل بالمستوى قليلا ... وبالفعل عثرت على فتاة لست أدري كيف نسيتها ..... كانت ملامحها مثل ملايين البنات المصريات .. خمرية ودمها خفيف ... تجذبك ابتسامتها الحنون من اللحظة الأولى ... عرضت الموضوع علي والدتها أولاً .. فقالت :
- نورا هى صاحبة الشأن ... اسأليها
فعرضته على نورا وكان أول تعليق لها : هو أخلاقه كويسه ؟؟ يعني حضرتك عارفاه كويس وعارفه أهله
- أيوه حبيبتى إحنا جيران من زمان
- اسفة يا تانت بس أصل دي أهم نقطة لازم أتأكد منها ..
- حقك يا حبيبتى ... هم ناس أفاضل .. محترمين ... وهو شاب غاية في اللطف والأدب والالتزام
- يبقى خلاص ... باقي حاجة واحدة تانية مهمة هي التوافق الروحي... او الاستلطاف وده ييجي بالوقت .... الباقي كله عادي .... وميهمنيش
- الله يكملك بعقلك
- كده يا تانت ... ده مقلب تعمليه فى
لم أكن قد استجمعت أفكاري ... فلقد استيقظت على صوت جرس التليفون
- فيه ايه ؟؟
- دي شكلها وحش قوي
- مين دي اللي شكلها وحش قوي
- نورا بتاعتك دي
- !!!!!!!!!!!!!!!!!!!!!!!!!
- هو أنا زبالة قوي كده
- ايه ده .... وحشه قوي ؟؟؟؟ طيب افهم تقول .. شكلها عادى .... سمرا وانا عاوز عروسة شقرا .. انما وحش قوي دي ...... !!!! في خيالك بس
- لا يا تانت ... إنت أصلك مشوفتيش العرايس اللى كنت بشوفهم قبل كده
- ويعني هو حد منهم كان وافق عليك ؟؟؟؟
- .................
- ما ترد ساكت ليه ؟؟؟؟
- عادي كل إنسان عرضة للرفض أو القبول
- أديك إنت قلتها .. بس في حالتك كنت دايماً عرضة للرفض اوالرفض .. مسألتش نفسك ليه ؟؟؟
- ليه ؟؟ !!!
- لإنك بتطلب الكمال وإنت ناقصك مليون حاجة
- أنا مهندس ناجح جداً
- وماله زيك ألف واحد ... وعاوزها قمر اربعتاشر ... وبنت ناس أكابر ... وإنت حتقدملها إيه ؟؟؟؟ شقتك اللي في ست أكتوبر واللا عربيتك النص عمر ؟؟
- إنت بتشتمينى ؟؟
- أنا بفتح عينيك على الحقيقة .... أنا سألتك إيه أهم حاجة قلت لي مستواها العائلي والثقافي مش حصل ؟؟
- أيوه ما هو أنا عاوزها كده علشان تبقى سند لي في المجتمع
- يبقى نورا اختيار مثالي تبعاً لأولوياتك ..
- منكرش إنها من عيلة كبيرة وهي فعلا راقية قوي في كل تصرفاتها ... بس ... بس
- انت حتبسبس ... بس إيه يا خفيف ؟
- سمرا قوي
- والبيضة دي اجيبهالك منين ... تكونش فاكر إن إحنا عايشين في النرويج ؟؟؟؟؟ واللا فنلنده ؟؟؟؟
- مش قصدي
- واضح يا بدر إنى فهمت غلط ... ده إنت لسه ولا المراهقين
- مش كده يا تانت
- لا حقيقي يابني .. أنا اسفة جداً .. لو عارفه إنك عاوز عروسة حلاوة كنت اعتذرت ... أنا تصورت إنك بتدور على بنت ناس محترمة تصونك وتقف جنبك ... عاقلة وراقية ... تفتح لك أبواب دنيا كبيرة ... وتسندك إذا وقعت ... أم وست بيت وزوجة ... ست بمعنى الكلمة .... حنونة وطيبة .
- أنا أصلى .... أصلها هى ...
- ولا أصلك ولا أصلها ... دور بنفسك على العروسة اللي عيونها خضرة بشعر أصفر على رأي أحمد بدير في التمثيلية ... بس اوعى تعمل زيه وتيجي في الآخر لا تاخد دي ولا دي
الرجوع الى أعلى الصفحة اذهب الى الأسفل
????
زائر



مُساهمةموضوع: رد: أنا عايز عروسة يا طنط   الجمعة 10 يوليو 2009, 11:48 pm

والله عسل يا بسملة
كل مواضيعك جميلة أوى
تسلم أيدك
الرجوع الى أعلى الصفحة اذهب الى الأسفل
$$ بسملة $$
عسكري
avatar

انثى
عدد الرسائل : 138
الجنسية : مصري
السٌّمعَة : 4
تاريخ التسجيل : 03/03/2009

مُساهمةموضوع: رد: أنا عايز عروسة يا طنط   الجمعة 24 يوليو 2009, 1:43 am

الله يسلمك يا قمر

ونورتى حبيبتى

وعقبال كل البنوتات لما نفرح بيهم

بس مش بطريقة طنط دى ههههههههههه

دمتِ فى حفظ الرحمن
الرجوع الى أعلى الصفحة اذهب الى الأسفل
metoo
مواطن
avatar

ذكر
عدد الرسائل : 17
العمل/الترفيه : كورة
المزاج : تمام
الجنسية : مصري
السٌّمعَة : 0
تاريخ التسجيل : 05/07/2009

مُساهمةموضوع: رد: أنا عايز عروسة يا طنط   الأربعاء 19 أغسطس 2009, 3:50 am

من الواضح ان الاستاذ بدر عاوز واحدة بمواصفات معينة و خاصة جدا
بس كلها مواصفات ثانوية ممكن الاستغناء عنها مثلا زى الجمال مش سرط الجمال يكون فى الشكل بس ممكن الجمال يكون فى خفة الدم و تعملتها مع الناس وممكن تكون حبوبة بس من الواضح ان الاستاذ بدر عاوز واحدة بفصلها الاول وبعدين يتجوزها
اهم حاجة فى الجواز وبالذات الجوار اللى يكون فية العريس اول مرة يعرف العروسة انها تون محترمة وبنت ناس .........
و على فكرة موضوع جميل جدا ...........
الرجوع الى أعلى الصفحة اذهب الى الأسفل
 
أنا عايز عروسة يا طنط
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
$$hisham abd elaziz$$ :: منتدي القصص والروايات :: روائع القصص والروايات-
انتقل الى: