لنغير ما بانفسنا

موضوع: لنغير ما بانفسنا الأحد 09 مايو 2010, 7:24 pm

فى الاول السلام عليكم ده اول موضوع افكر اقترحه على اخواتى فى المنتدى هى فكره بسيطه وهى اننا كل اسبوع نتفق مع بعض اننا نعمل مبادره عشان نغير حاجه مش كويسه فينا فى الاسبوع ده يعنى مثلا ممكن نتفق مع بعض اننا نفضل طول الاسبوع ده منكدبش مهما كانت الظروف او مثلا اننا مش هنرمى زباله على الارض خالص طول الاسبوع ده او اى اقتراح تانى اكيد بعد الاسبوع ده هنتعود على العاده الكويسه يا رب الفكره تعجبكم .

زائر

جزاكى الله خيرا نور
ابدأى واقترحى خطة الأسبوع ده

وجزاكى اضعافه ياطمطم وشكرا ليكى على اهتمامك بالفكره وانا اقترحى للاسبوع ده اننا نعهدنا نفسنا ان كل واحد فينا هيحافظ على نظافه المكان الموجود فيه اين كان المكان ده واننا مش هنرمى اى حاجه على الارض مهما كانت. وياريت تقولى رايك يا طمطم فى الاقتراح واحب اسمع اقتراحاتك.[/b]

انا موافق

مع ان ده والحمدلله طبعى

شكرا ليك يا محمد على مرورك والحمد لله ان ده طبعك اصلا يعنى انت كده مش هتتعب الاسبوع ده معنا بس يارب يبقى ده طبعنا كلنا وبجد ننفذ الاتفاق

ماهو انا برده فى الاول كنت بجاهد نفسى جهاااااااااد عظيم لحد نا انتصرت عليها والحمدلله بس لسه حاجات تانيه محتاجه جهاد اعظم

وبعدين المفروض ان النظافه عباده امرنا بيها ربنا والرسول صلى الله عليه وسلم

والنظافه تشمل كل شىء يتعلق بالمكان والشخص نفسه

النفس ك الطفل عندما تفطمه امه يصرخ لفتره ثم يتعود على الوضع هكذا النفس سوف تتعبك لفترة ثم تتعود فافطموها عن كل شىء لايرضى عنه الله ورسوله صلى الله عليه وسلم

جزاك الله خير يا محمد على الكلام الجميل ده هو فعلا جهاد النفس احنا كلنا محتاجين نجاهد انفسنا فى حاجات كتير عشان نرضى ربنا

استجابة لطلب اختى نور انى انا اللى اقترح اقتراح الاسبوع ده وده شرف عظيم لى وثقه اعتز بيها فأنا بقترح صلاة قيام ليل ولو ركعتين بعد صلاة العشاء حيث سأل النبى صلى الله عليه وسلم سيدنا ابو بكر وسيدنا عمر عن قيام الليل فقال سيدنا ابو بكر انى اقيم الليل بعد العشاء وقال سيدنا عمر انى اقيم الليل فى الثلث الاخير من الليل فقال صلى الله عليه وسلم لسيدنا ابو بكر اخذت بالحيطه وقال لسيدنا عمر اخذت بالعزيمه

فقيام الليل شرف المؤمن ولو ركعتين ووقت القيام ممتد من بعد صلاة العشاء مباشرة الى اذان الفجر
وفى الحديث الصحيح قال صلى الله عليه وسلم (ركعتى الفجر خير من الدنيا وما فيها ) والركعتين المقصودتين هنا هما ركعتا قيام الليل قبل الفجر .

اول مرة اشوف الموضوع والاقتراحات الرائعة
اللهم بارك اللهم بارك

جزاك الله كل الخير استاذ محمد
بارك الله فيك

نبدا التطبيق باذن الله بداءا من اليوم

>>>>

ولك بمثل مادعوتى

بس اللى يستحق الدعاء صاحبة الموضوع والفكره الرائعه دى اختنا ( نور حواء)

اسئل الله ان يثبتنا ويرزقنا الاخلاص

زائر

آسفة يا نور على التأخير فى الرد
فكرتك هايلة وممتازة وأنا الحمد لله بحب النظافة ومش برتاح لو المكان مش نظيف
والحمد لله يا محمد لازم أصلى ولو ركعتين قيام ليل
جزاكما الله خيرا ونفع بكما الاسلام والمسلمين

اسفة يانور والله والله مااخدت بالي
جزاك الله كل خير وبارك فيكي ونفع بكي واثابك الفردوس الاعلى

دمتي مميزة
فكرة هايلة طبعا من غير نقاش
وتاكدي مش محتاجة رايي
تقبلي مروري

السلام عليكم ورحمة الله وبركاته

وين الشباب واين عزيمة الرجال؟

هتشمتوا فينا الاخوات لا الكلام ده مينفعش انا عايز اقتحام للتوبيك ده وتنفيذ للاقتراحات اللى فيه خاصة اننا داخلين على ايام محتاجين فيها رضى ربنا وتوفيقه

اين من يتعاملون بمبدأ المصلحه؟ حان وقت المصلحه ؟ الامتحانات قاااااادمه انتوا حريين

اقتراح الاسبوع ده علشان الموضوع انا شايف انه نام واختنا (نور حواء ) بئالها فتره مش بتدخل وان شاء الله يكون غيابها لحاجه احسن مننا

فأنا بقترح اقتراح الاسبوع ده انه يكون ورد يومى من القران لا يقل عن ربع واللى عايز يزود يزود المهم ما ينقص عن ربع

والسلام ختام

انا اسفه اسف شديد والله يا محمد انا كان عندى مشكله فى النت وعشان كده مكنتش بدخل وانا معاك طبعا ويا ريت نكمل اقتراح قراءه القران ونستمر عليه طوال فتره الامتحانات وجزاك الله كل خير وتقبلوا اسفى

جميل اوي فكرة الموضوع يا نور وان شاء الله نقدر ننفذ الي هنتفق عليه
بس في سؤال لمحمد بس انت بتقول ان ركعتي الفجرالمقصود بالركعتين قيام الليل بس في ناس بتقول انهم ركعتين السنه القبليه للفجر ياريت تتأكد وتقولنا لان بجد انا كده احترت وجزاك الله كل خير
ولو سمحتم ليا اني اقترح اقتراح عليكم بس مش هيبقي لاسبوع بس احنا عاوزن نعمله العمر كله ان شاء الله وهوه اننا نقرا سورة الدخان كل يوم قبل النوم لان فضلها كبير....( عن أبي هريرة قال: قال رسول
الله صلى الله عليه وسلم : (( من قرأ حم الدخان في ليلة أصبح يستغفر له
سبعون ألف ملك )) ،* وروى أبو هريرة أيضا عن الرسول صلى الله عليه وسلم
قال: (( من قرأ حم الدخان في ليلة الجمعة غفر له )) هيه مش طويله متقلقوش هههههههههههه بس بجد لما عرفت فضلها حبيت ان اقولكم عشان كلنا نفوز بفضلها

جزاك الله كل خير يا دالى ايوه كده يا جماعه عاوزين نحث بعضنا على الافعال الطبيه اللى تقربنا من الله وتزيد من ميزان حسناتنا

جزاكى الله خيرا يانور
وجزا الله الجميع على الافكار الجميله

جزاكى الله اضعافه يا احلى صاحبه فى الكون

اعتقد ان كلامك صح يدالى فى موضوع ان ركعتى الفجر المقصودتين السنه القبليه للفجر ويصح ان تصليها بعد الفجر والافضل عند بزوغ الشمس

واسف على هذا الالتباس الغير مقصود

ثانيا يدالى كل الاحاديث التى وردت فى فضل قراءة سورة الدخان اما ضعيفه واما موضوعه وارجع الى مركز الفتوى فى اسلام ويب

على العموم كل اللى ورد في فضلها ضعيف ولا يؤخذ به فى فضائل الاعمال

بس انا حصلى موقف وانا فى اولى اعدادى كنت جالس مع الدكتور على لقم لو تعرفوه استاذ اللغه العربيه جامعة الازهر وراجل فوق الاحترام والتواضع والعلم والهدوء والطيبه وكان بيهزر معايا وبيسئلنى فى نطق حرف الخاء اللى فى الايه (يوم تأتى السماء بدخان مبين ) اللى فى سورة الدخان

عمرى ما انسى الموقف ده كل ما اقرأ سورة الدخان افتكره وطبعا اضحك على نفسى لان اجابتى كانت خاطئه

ومستنين اقتراح تانى منك يدالى

» لنغير ما بانفسنا